ਹਾਊਸਫੁੱਲ 5 ਦਾ ਟੀਜ਼ਰ ਯੂਟਿਊਬ ਤੋਂ ਹੋਇਆ ਗਾਇਬ, ਮੋਫਿਊਜ਼ਨ ਸਟੂਡੀਓ ਨੇ ਰੀਲੀਜ਼ ਤੋਂ ਇਕ ਮਹੀਨਾ ਪਹਿਲਾਂ ਕਾਪੀਰਾਈਟ ਦਾਅਵਾ ਦਾਇਰ

ਮੁੰਬਈ - ਕਾਪੀਰਾਈਟ ਸਟ੍ਰਾਈਕ ਕਾਰਨ ਫਿਲਮ 'ਹਾਊਸਫੁੱਲ 5' ਦਾ ਟੀਜ਼ਰ ਯੂਟਿਊਬ ਤੋਂ ਹਟਾ ਦਿੱਤਾ ਗਿਆ ਹੈ। ਅਕਸ਼ੈ ਕੁਮਾਰ, ਅਭਿਸ਼ੇਕ ਬੱਚਨ, ਜੈਕਲੀਨ ਫਰਨਾਂਡੀਜ਼ ਅਤੇ ਰਿਤੇਸ਼ ਦੇਸ਼ਮੁਖ ਦੀ ਇਸ ਫਿਲਮ ਦਾ ਟੀਜ਼ਰ 30 ਅਪ੍ਰੈਲ ਨੂੰ ਰਿਲੀਜ਼ ਹੋਇਆ ਸੀ।ਕਾਪੀਰਾਈਟ ਸਟ੍ਰਾਈਕ ਮੋਫਿਊਜ਼ਨ ਸਟੂਡੀਓਜ਼ ਦੁਆਰਾ ਕੀਤੀ ਗਈ ਹੈ। ਯੂਟਿਊਬ 'ਤੇ ਫਿਲਮ ਦੇ ਟੀਜ਼ਰ 'ਤੇ ਕਲਿੱਕ ਕਰਨ 'ਤੇ ਇਕ ਗਲਤੀ ਦੇ ਨਾਲ ਮੋਫਿਊਜ਼ਨ ਸਟੂਡੀਓ ਦੇ ਕਾਪੀਰਾਈਟ ਦਾ ਸੰਦੇਸ਼ ਨਜ਼ਰ ਆਉਂਦਾ ਹੈ। ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਮੋਫਿਊਜ਼ਨ ਸਟੂਡੀਓ ਦੇ ਕਾਪੀਰਾਈਟ ਦਾਅਵੇ ਦਾ ਆਧਾਰ ਕੀ ਹੈ।

ਫਿਲਮ ਦਾ ਟੀਜ਼ਰ 30 ਅਪ੍ਰੈਲ ਨੂੰ ਨਾਡਿਆਡਵਾਲਾ ਗ੍ਰੈਂਡਸਨ ਐਂਟਰਟੇਨਮੈਂਟ ਦੇ ਯੂਟਿਊਬ ਚੈਨਲ 'ਤੇ ਪੋਸਟ ਕੀਤਾ ਗਿਆ ਸੀ। ਟੀਜ਼ਰ ਨੂੰ 10 ਦਿਨਾਂ ਵਿੱਚ ਮਿਲੀਅਨ ਵਿਊਜ਼ ਮਿਲ ਚੁੱਕੇ ਹਨ। ਹਾਲਾਂਕਿ ਫਿਲਮ ਦਾ ਟੀਜ਼ਰ ਅਜੇ ਵੀ ਅਕਸ਼ੈ ਕੁਮਾਰ, ਜੈਕਲੀਨ, ਰਿਤੇਸ਼ ਦੇਸ਼ਮੁਖ ਦੇ ਇੰਸਟਾਗ੍ਰਾਮ 'ਤੇ ਮੌਜੂਦ ਹੈ। ਟੀਜ਼ਰ 'ਚ 'ਹਾਊਸਫੁੱਲ 5' ਦੀ ਸ਼ਾਨਦਾਰ ਸਟਾਰ ਕਾਸਟ ਦੇ ਨਾਲ ਹਨੀ ਸਿੰਘ ਅਤੇ ਸਿਮਰ ਕੌਰ ਦੁਆਰਾ ਗਾਏ ਗੀਤ ਲਾਲ ਪਰੀ ਨੂੰ ਬੈਕਗ੍ਰਾਊਂਡ 'ਚ ਦਿਖਾਇਆ ਗਿਆ ਹੈ।ਇਹ ਮਲਟੀਸਟਾਰਰ ਕਾਮੇਡੀ ਫਿਲਮ 6 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।ਫਿਲਮ ਦੀ ਰਿਲੀਜ਼ 'ਚ ਇਕ ਮਹੀਨੇ ਤੋਂ ਵੀ ਘੱਟ ਸਮਾਂ ਬਾਕੀ ਹੈ। ਫਿਲਮ ਦੀ ਸਟਾਰਕਾਸਟ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ Mofusion ਇੱਕ ਭਾਰਤੀ ਰਿਕਾਰਡ ਲੇਬਲ ਹੈ, ਜੋ ਕਿ ਦਿਲਜੀਤ ਦੋਸਾਂਝ ਅਤੇ ਜੈਸਮੀਨ ਸੈਂਡਲਾਸ ਵਰਗੇ ਕਲਾਕਾਰਾਂ ਦੇ ਗੀਤਾਂ ਨੂੰ ਤਿਆਰ ਕਰਨ ਲਈ ਜਾਣਿਆ ਜਾਂਦਾ ਹੈ।